Útilegukortið Tjaldsvæði

Verðlisti Indriðastaða

Fyrir aðra en korthafa útileigukortsins.

Verð kr 1500.- á dag per pers.

Börn kr 500.-  með veiðileyfi.

Veiðileyfi kr 500.- per dag.

Tjaldsvæðið  við Indriðastaði  sem er í hinum gróðri vaxna og fallega Skorradal skammt frá höfuðborginni. 

Er það kjörinn áningarstaður fyrir ferðalanga sem ætla sér stutt en hafa gaman af ferðinni og njóta útiverunnar.

VIð Indriðastaði hefur verið opnaður glæsilegur 9 holu golfvöllur.   Hann er krefjandi fyrir golfáhugamenn og útsýnið frá honum yndislegt. Skorradalur er syðstur Borgarfjarðadala og er hann 28 km langur.

Skorradalsvatn fyllir upp mestan hluta dalsins og hægt er að veiða í vatninu á svæði Indriðastaða.  Skógrækt hefur verið í miklum blóma í dalnum enda á skógræktin í ítök í sjö jörðum og hafa fjölmargir eigendur sumarbústaða í dalnum verið duglegir að planta trjám að auki.    Fjölmargar gönguleiðir eru í dalnum má þar nefna gönguleið upp úr dalnum að Eiríksvatni,  að Hvalvatni, að Svartárkoti og alla leið niður í Þingvallaþjóðgarð.  Einnig er hægt að fara eftir götuslóðanum Síldarmannagötur sem liggur niður í Hvalfjarðarbotn.  Sú leið er vörðuð vörðum sem hlaðnar voru árið 1999.  Ganga um Síldarmannagötur tekur um fjóra tíma, en er hvorki erfið né hættuleg. 

Við tjaldsvæðið, sem er skammt frá bænum Indriðastöðum, er salernisaðstaða ásamt sturtu, þvottavél og uppþvottavaski.

Golf, veiði og göngutúrar er eitthvað sem hentar öllum eða bara láta tímann líða og lesa góða bók í fallegri sveit.

Rafmagn meðan pláss leyfir.

Wc.

Sturta.

Aðstaða til að þvo upp.